Amasada amerikane në Tiranë ka reaguar për dhunën dhe trazirat që ndodhën ditën e djeshme në Kuvend.
Në një njoftim, Ambasada shpreh shqetësimin për gjendjen e krijuar dhe thekson se akte të tilla dëmtuese nuk kanë vend në procesin demokratik.
Opozita dogji karriget në Kuvend, reagon ambasadori i BE: Për të ardhur keq, nuk është mënyra për të shprehur mendimin
“Ambasada e SHBA është thellësisht e shqetësuar për shkatërrimin dhe forcën e shpalosur në parlamentin shqiptar të hënën. Akte të tilla dëmtuese dhe potencialisht lënduese nuk kanë vend në procesin demokratik. Nxisim të gjitha palët e përfshira të ushtrojnë vetëpërmbajtje, të angazhohen në dialog konstruktiv si dhe të përqafojnë vlerat e respektit dhe qytetarisë. Mbështesim diskutimet paqësore dhe bashkëpunuese lidhur me negociatat për anëtarësimin e Shqipërisë në BE si dhe do të vazhdojmë të qëndrojmë krah institucioneve shqiptare teksa punojnë për ta sjellë Shqipërinë më pranë bashkësisë euro-atlantike”, thuhet në njoftimin e Ambasadës Amerikane.
Më herët reagoi edhe ambasadori i Bashkimit Europian në Shqipëri, Silvio Gonzato, i cili shprehu keqardhje për ngjarjet e ndodhura në Kuvend. Ai tha se kjo nuk është mënyra e duhur për të shprehur mendimin.