Kryeministri Edi Rama ka reaguar ndaj vendimit të Gjykatës Speciale për të mos lejuar ish-presidentin e Kosovës, Hashim Thaçi, të marrë pjesë në varrimin e babait të tij. Ai e ka cilësuar veprimin si një tjetër veprim të ulët dhe një akt të turpshëm, duke kritikuar Gjykatën Speciale që, sipas tij, ka bërë drejtësinë ndërkombëtare një shaka dhe ka përdorur të drejtat demokratike si një lojë boshe.
Në postimin e tij në X, Rama theksoi se ky veprim është një “bumerang brutal” për vullnetin e mirë të Kuvendit të Kosovës, duke e konsideruar si një cenim të të drejtave të individëve dhe të dinjitetit njerëzor.
Postimi i kryeministrit Edi Rama:
Një tjetër veprim i ulët nga një gjykatë e turpshme dhe e paturpshme që drejtësinë ndërkombëtare e ka kthyer në shaka, të drejtat demokratike në fjalë boshe dhe vullnetin e mirë të Kuvendit të Kosovës në bumerangët më brutalë!