Një ëmbëlsirë që përgatitet për vetëm 15 minuta, e thjeshtë, e shpejtë dhe që bashkon çdo pjesëtar të familjes rreth tryezës është edhe keku. Mbi të gjitha është super i shijshëm.
E shijshme dhe e kombinueshme në mënyra të ndryshme, keku mbetet ndër më të preferuarat e shqiptarëve, por jo vetëm.
Në vijim do të sjellim një recetë e cila si ingredient kryesor ka edhe vajin e ullirit.
Përbërësit:
130 ml vaj ulliri
4 vezë
200 gramë sheqer pluhur
140 gramë miell
40 gramë kakao e hidhur
20 ml qumësht
1 bustinë sodë për ëmbëlsira.
Por cila është mënyra e përgatitjes?
Si fillim ngrohim furrën në 180° C. Pastaj, rrahim vezët dhe sheqeri. Përziejmë miellin, kakaon dhe sodën, të cilat i hedhim me sitë. Shtojmë vajin, qumështin dhe i përziejmë të gjitha së bashku. Brumin e hedhim në tavën e lyer me gjalpë e kakao. E pjekim afërsisht për 40 minuta. E heqim nga tava në momentin që është ftohur plotësisht.