Pjatat me peshk janë shumë delikate dhe duhet të përgatiten në mënyrën e duhur, sepse përndryshe shija e peshkut do të humbasë gjatë gatimit.
Nëse jeni lodhur duke servirur gjithnjë e gjithnjë levrekun dhe peshkun kocë për familjen, ja një recetë ndryshe për t’u provuar: Peshk trofte i mbushur me bajame.
Përbërësit:
6 trofta mesatare; 2 kokrra limoni; 2 lugë gjelle me gjalpë dhe erëza; kripë;
Për mbushjen:
300 gr bajame të pjekura lehtë; 4 lugë gjelle majdanoz; 2 lugë gjelle me gjalpë.
Përgatitja:
1. Pastrojmë dhe lajmë nga brenda dhe jashtë troftat. I fërkojmë me limonat dhe u hedhim kripë dhe piper dy orë më parë.
2. Në një enë përziejmë përbërësit që nevojiten për mbushjen. I mbushim peshqit dhe nga jashtë i lyejmë me gjalpë.
3. I vendosim në një tepsi ose në një enë tjetër që nuk ngjit dhe i fusim në furrë pasi e kemi nxehur më parë furrë
4. I lëmë të piqen 20-25 minuta në një nxehtësi 220°C.
5. I servirim duke i shoqëruar me patate të skuqura ose të pjekura.