Receta e shëndetshme e rizotos me perime krijon një drekë të shijshme dhe përgatitet fare lehtë në vetëm 30 minuta. E pasur në vlera ushqyese falë kombinimit të perimeve, e butë dhe e lehtë dhe fantastike për fëmijët. Burim i mirë i vitaminës A, vitaminës K dhe manganit.
Përbërësit
300 gr oriz, 200 gr lloje të ndryshme perimesh (spec i kuq e jeshil, patëllxhan, kungull i njomë, domate, presh), lëng perimesh, 1/2 gotë verë e bardhë, 1 lugë Mascarpone, 1 lugë gjalpë, 100 gr djathë kaçkavall, 4 thelpinj hudhre, 4 qepujka, 1 tufë borzilok, 1 tufë majdanoz, kripë, piper
Përgatitja:
- Lajmë perimet dhe i presim në kube.
- Në një tigan vendosim vaj ulliri dhe skuqim qepën dhe hudhrën. Shtojmë orizin.
- E shuajmë me verë të bardhë dhe fillojmë të shtojmë perimet.
- Shtojmë gradualisht lëngun e perimeve, duke e përzier vazhdimisht.
- Pas 10 minutash shtojmë Mascarponen, djathin kaçkavall, gjalpin, kripën, piperin, borzilokun.
- I ziejmë edhe për 3 minuta dhe rizoto është gati për t’u shijuar.
Burimi/renatomekolli.com