Me ardhjen e fundjavës vjen edhe koha për t’iu rikthyer gatimeve të detit me një pjatë të përgatitur nga ju vetë në shtëpi. Oktapodi ka diçka të veçantë në teksturën e tij, dhe njëkohësisht edhe në shijen e mirë që ka. Mund ta keni ngrënë në forma të ndryshme por a e keni provuar një sallatë me oktapod? Nëse jo, më poshtë do të gjeni një recetë shumë të thjeshtë dhe të shijshme për ju, miqt dhe familjarët tuaj.
Përbërësit:
1 oktopod i pastruar (jo i ngrirë), 1 gotë verë të kuqe, 100 g ullinj, 2 qepë të thata, pipër të kuq dhe të zi, kopër të imët, selino, 1/4 filxhan uthull, 1 gotë vaj ulliri, 2 lugë lëng limoni, 2 speca pikantë të vegjël të copëtuar.
Përgatitja:
Nxehni një tenxhere dhe vendosni oktapodin brënda. Lëreni për disa minuta dhe pastaj shtoni verën dhe pak ujë, mbulojeni dhe lëreni për rreth 40 minuta. Kur të jeni gati për ta hequr, lëreni të ftohët. Pastaj prejeni në copa të vogla dhe vendoseni në një tas me qepët, ullinjt, specat dhe erëzat e tjera.
Ndërkohë në një tas të vogël përzieni mirë vajin e ullirit, uthullen dhe lëngun e limonit dhe hidheni pastaj mbi sallatën, përzieni, lëreni për një kohë në frigorifer. Dhe kur doni ta servirni hidhi pak piper sipas dëshirës. Sallata është gati!