Supa me mish pule dhe patate është mënyra më e mirë për t’u ushqyer shëndetshëm dhe lehtë për drekë, ndërsa shija fantastike e saj ngroh organizmin duke i ofruar energji dhe forcë në këto ditë të para vjeshte.
Përgatitja e supës me pulë e patate.
Përbërësit:
500 gramë patate të qëruar dhe prerë në copa, 500 gramë mish të zhveshur nga kockat e kofshëve të pulës, 2 filxhanë e gjysëm me lëng pule, 2 filxhanë e gjysëm me kokrra misri të ëmbël, 1 lugë çaji me hudhër pluhur ose të shtypur, 1 lugë çaji me qepë pluhur ose të shtypur, 1 lugë çaji me spec djegës pluhur, 1 lugë çaji me piper të kuq, gjysëm lugë çaji me koriandër të thatë, pak luge çaji me kripë ose më shumë sipas shijes, gjysëm gote me krem pana.
Udhëzimet:
- Hidhini të gjithë përbërësit përveç kremit pana në një tenxhere.
- Mbulojeni me kapak dhe lërini të gatuhen ngadalë për 2 orë në temperaturë të lartë ose 3 orë në temperaturë të ulët.
- Nëse keni tenxhere me programim mund të zgjidhni opsionin e gatimit të ngadaltë, në të kundërt shtoni ujë herë pas here që të mundësoni zierjen e njëtrajtshme të produkteve.
- Pasi gatimi të jetë përfunduar, mishin e pulës shpërbëjeni me duar dhe ndajeni në copa të imëta.
- Hidheni sërish në tenxhere dhe shtoni krem panën në përfundim. Servireni të ngrohtë dhe shtoni erëza e majdanoz sipas dëshirës.