Michael Schumacher e ka fituar 7 herë titullin e kampionit botëror në Formula 1 dhe ka arritur suksese tjera të jashtëzakonshme. Michael Schumacher e festoi ditë më parë ditëlindjen e tij të 50-të, teksa gjendja e tij shëndetësore po përmirësohet dita-ditës. Të gjithë e dinë se ai ishte një legjendë e Formula 1. Por, në detaje me siguri se pakkush e di se çfarë ka arritur në karrierë ish-piloti gjerman, i cili kishte garuar në Ferrari dhe Mercedes. Më poshtë mund të njoftoheni me karrierën e Schumit përmes numrave:
7 – numri rekord i titujve të kampionit botëror të fituar, 2 me ekipin Benetton në vitet 1994 e 1995 dhe 5 radhazi me Ferrarin nga viti 2000 deri në 2004;
91 – gara të fituara, nga 306 starte – ai mbetet 18 herë më shumë se Leëis Hamilton që ka përfunduar në pozitën e dytë në histori të këtij sporti;
68 – “pole-positions”, një rekord i mposhtur nga Hamilton në vitin 2017;
15 – sezone radhazi me fitore në “Grand-Prix”, nga viti 1992 deri më 2006. Është rekord, tre përpara Hamiltonit;
8 – fitore në “French Grand Prix”, më së shumti të fituar nga një ngasës i Formula 1. Ai i ka fituar shtatë herë edhe garat në Kanada dhe San Marino, që po ashtu nuk ka mundur të arrihet nga dikush tjetër.
17 – përfundime në podium në 17 gara në sezonin 2002;
43 – vjeçar ishte kur e zhvilloi garën e fundit, në Brazil në vitin 2012. Ai fillimisht ishte pensionuar në vitin 2006, por ishte rikthyer pas tri vjetësh.