Rrëfimet e Talo Çelës janë të shumta, dhe për prokurorinë kanë shërbyer për të zbardhur krimet mafioze. Dhjetëra kontrolle janë kryer në biznese, automjete dhe banesa, ku kishte dyshime për elementë kriminalë. Kontrolli ka nisur në orët e pasdites të djeshme, duke vijuar deri në orët e vona të natës, ku janë bllokuar 13 makina luksoze të markave të ndryshme.
Fokusi i policisë kriminale dhe RENEA-s, ka qënë dhe kontrolli i personave të targetuar me precedent penalë, që lëvizin në qytetin e Elbasanit, të Cërrikut, Belshit dhe Peqinit. Jo zyrtarisht policia thotë se objektiv i aksionit ka qenë kapja e Talo Çelës, personazh i shumëkërkuar i cili i ka shpëtuar disa operacioneve radhazi.
Elbasani është një nga qarqet më problematike për kriminalitetin në vend, për shkak të grupeve që kalojnë aty por edhe të vrasjeve të pazbardhura që kanë ndodhur në qytet vitet e fundit.
Pas dëshmisë së dhënë nga i penduari nuredin dumani i cili pas arrestimit më 30 mars të këtij viti zbardhi një serish krimesh në Tiranë, Durrës dhe Elbasan, policia ka kryer të paktën tri kontrolle për kapjen e Talo Ccelës por të gjitha kanë dështuar pavarësisht angazhimit të efektivave nga Tirana.