Influencerja e njohur Renee Reffo dhe mamaja e saj Julia Ilirjani ndanë për herë të parë një intervistë së bashku në emisionin “Rudina”, pasditen e kësaj të enjteje.
Nënë e bijë folën për raportin e tyre dhe marrëdhënien e ngushtë me njëra-tjetrën, aq të ngushtë saqë mund të quhen më tepër si dy shoqe të ngushta.
Batutat mes tyre nuk mungojë, tipike e karakterit të secilës. Renne thotë se i tregon çdo mamasë së saj.
Rudina Magjistari: Duket se keni një raport shumë të ngushtë me njëra tjetrën.
Renee Reffo: Po jemi si dy shoqe.
Rudina Magjistari: Për çdo gjë flisni me njëra-tjetrën?
Julia Ilirjani: Më flet më shumë se sa duhet Rudina. I them ndonjëherë të lutem gjej shoqe dhe ndaji disa biseda me shoqe, sepse e kam kaluar këtë moshë nuk kam nerva që të përqendrohem në disa biseda që më duken të kota.
Rudina Magjistari: Është çështje këndvështrimesh.
Julia Ilirjani: Po për moshën e kësaj janë shumë të rëndësishme, për moshën time janë biseda që thuhen sot, kurse nesër harrohen. Kështu që i them gjej shoqe.
Rudina Magjistari: Megjithatë ju kaloni shumë kohë me njëra-tjetrën apo jo. Gjithmonë keni jetuar bashkë?
Julia Ilirjani: Po gjithmonë bashkë.
Gjatë intervistës u zbulua dhe raporti që Renne ka me babin e saj italian. Influencerja thotë se gëzon një raport shumë të mirë e të ngushtë me të atin. Ndërkohë që mes batutash thumboi dhe mamasë e saj, për të cilën tha se tashmë nuk ka më interes.
Rudina Magjistari: Renee Reffo, mbiemri Reffo është…
Renee Reffo: Është nga babai italian.
Rudina Magjistari: Si janë marrëdhëniet, i ruan, shkon shpesh?
Renee Reffo: Të miat janë shumë të mira, mami nuk ka ndonjë interes që të mbajë marrëdhëniet.
Julia Ilirjani: Mami ka mbaruar punë.
Rudina Magjistari: E rëndësishme është që të jenë të dy aty për ty, apo jo? Ti je gjëja më e rëndësishme që i lidh.
Julia Ilirjani: Tani Renee është e rritur kështu që nuk ka ndonjë arsye që unë të mbaj marrëdhënien me të. Nëse do të takohemi në dasmën e Renees patjetër që do të flasim, por kaq.