Ditën e sotme, rreth orës 08:00, shërbimi zjarrfikës u njoftua për një zjarr të ri aktivizuar në zonën e Sotiranit, në malin e Shën Gjergjit, në fshatin Dukat, Njësia Administrative Orikum. Aktualisht, 10 forca zjarrfikëse dhe 3 punonjës të pyjores janë duke punuar për të vënë nën kontroll flakët, por terreni i vështirë po e bën të vështirë ndërhyrjen.
Në zonë pritet mbërritja e rreth 30 efektivëve nga forcat e armatosura, ndërkohë që janë planifikuar edhe ndërhyrje ajrore me helikopter për të ndihmuar në shuarjen e flakëve. Aktualisht, nuk ka rrezik për banesat, por autoritetet janë në gatishmëri për të menaxhuar situatën dhe për të parandaluar përhapjen e zjarrit.