Ditën e nesërme opozita joparlamentare ka vendosur përshkallëzojë aksionin duke bllokuar akset kryesore të rrugëve në 12 qarqe të vendit.
Ky vendim u mor pas takimit që Basha bëri me aleatët në selinë e Partisë Demokratike.
Në një prononcim për mediat, kreu i PD tha se kjo formë proteste vjen si një intensifikim dhe përshkallëzim i mosbindjes civile.
Herën e fundit, kjo formë proteste ndodhi më 25 Prill ndërsa Lulzim Basha tha se bëhet fjalë për mosbindje civile.
Edhe pse bllokimi i rrugëve ngjalli pakënaqësi te qytetarët, duket se PD me aleatët e saj janë të vendosur ta përsërisin skenarin në fjalë.
Ndërkohë, mësohet se akset që pritet të bllokohen më 2 Maj janë si mëposhtë:
Tiranë: Te sheshi “Shqiponja”
Korçë: Në hyrje të qytetit
Elbasan: Në aksin Bradashesh-Elbasan
Milot: Rrethrrotullimi i Milotit
Shkodër: Në hyrje të qytetit
Fier: Tek Ura e Sheqit
Vlorë: Në hyrje të qytetit
Dibër: Në aksin nacional Tiranë-Peshkopi
Kukës: Tek ura në hyrje të qytetit
Durrës: Rrethrrotullimi te Plepat