Gjykata e Lartë ka vendosur që më 5 mars të zhvillohet seanca për kërkesën e SPAK-ut, kjo për rikthimin në qeli të Jamarbër Malltezit, dhëndri i Sali Berishës. Shorti ka caktuar relator të çështjes, gjyqtarin Sokol Binaj dhe anëtarë Ilir Panda e Sandër Simoni.
Sipas SPAK-ut, Jamarbër Malltezi për të kryer korrupsion akuzohet se ka bashkëpunuar me një nga pushtetarët më të lartë të kohës, e konkretisht ish-kryeministrin Sali Berisha duke cenuar në këtë mënyrë themelet e shoqërisë madje duke e shtrirë korrupsionin edhe në vetë strukturat më të larta shtetërore.
Vepra penale e korrupsionit, por edhe ajo e pastrimit të parave, klasifikohen në vepra të rënda që në fund dënohen vetëm me burg dhe ndaj Malltezi duhet të shkojë në qelitë e paraburgimit.