Tottenham dhe Antonio Conte i shkaktojnë humbjen e parë Guardiolës pas 4 muajsh ose më saktë pas 15 ndeshjes në Premier League.
Tottenham, që vinte pas tri humbjeve radhazi, bënë një ndeshje të madhe ku që në minutën e katërt, Kulusevski shënoi golin e parë të ndeshjes dhe të avantazhit për Spursat. Man. City vihet në vështirësi duke u hedhur para e nga ana tjetër linte dhe hapësira të rrezikshme për kundërsulm telsa në 33’ Gundogan vendosi barazpeshën në fraksionin e parë të lojës.
Teksa pjesa e dytë nisi sërish me dominimin në lojë të vendasve në një kundërsulm të shpejtë Harry Kane ndëshkon atë që mund të kishte qenë ekipi i tij këtë sezon, duke kaluar miqtë në avantazh.
Edhe disa minuta më vonë Kane shënon sërish në një kundërsulm por VAR i heq golin për pozicion të parregullt.
Minutat në vijim janë dramatike pasi në shtesë pas presionit të madh nga vendasit VAR jep një penallti për prekje të topit me dorë nga Romero dhe Mahrez nuk gabon nga pika e bardhë. Kur mendohej se ndeshja po mbyllej 2-2 në një sulm perfekt nga krahët vjen, Harry Kane që shënon me kokë duke tronditur Guardiolën. 3-2 dhe një fitore e merituar për Tottenham që rikthehet në garë për Champions, por edhe Liverpool rikthehet në garën për titull.