I ftuar Në PolitikOn nga Alfred Lela në RTV Ora, ish-deputeti demokrat, Arben Ristani u shpreh se PD ka po aq vota në vitin 2021 sa kishte në vitin 2013.
Ai shtoi se PS ka një stabilitet në zgjedhje, gjë që tregon se historia e blerjes masive, nuk është i asaj mase, se i bie që Rama të ketë blerë po votat e veta.
Ristani: Edhe në vitin 2013 po kaq shumë vota kemi marrë. D.m.th u bënë gjithë këto ndryshime dhe gjithë këto vite, për të ardhur në situatën ku jemi sot. PS ka një stabilitet në zgjedhje, gjë që tregon se historia e blerjes masive, nuk është i asaj mase, se i bie që Rama të ketë blerë po votat e veta. Po i bleve dy herë janë zgjedhësit e tu ata tashmë. Jemi sot edhe para një njohje ndërkombëtare të zgjedhësve, ku evidentohen shkeljet, por njihen zgjedhjet.
Ristani përfundoi duke thënë se hetimi për krimin elektoral do të zhvillohet nga organet përkatëse dhe shpreson që personat përgjegjës të dalin para drejtësisë.