Ronaldo da Lima ka rezultuar me covid-19 dhe qëndron i izoluar në Doha teksa luhet Kupa e Botës. I ftuari special i FIFA dhe një nga sulmuesit më të mirë në histori do duhet ta ndjekë nga televizioni Brazilin e tij. Në ndeshjen e djeshme Brazili fitoi 2-0 me Serbinë, teksa në tribuna mungoi Ronaldo. Për shkak të covid-19 legjenda qo duhet të qëndrojë nga 5-7 ditë në izolim, çka do të thotë se edhe ndeshjen e dytë të Brazilit do e ndjekë nga hoteli.
“Megjithatë gjithçka është në rregull me shëndetin, unë do të jem pjesë e ultrasve nga hoteli”, shkruan 46 vjeçari. Fenomeni, kampion bote në vitet 1994 dhe 2002 ndodhet në Katar si i ftuari special i FIFA-s dhe të dielën e kaluar mori pjesë në ceremoninë e hapjes së Kupës së Botës në ndeshjen inauguruese Katar 0-2 Ekuador.