Këngëtarja Rozana Radi së fundmi ka ndarë disa detaje nga jeta personale në Big Brother Vip. E përlotur gjatë një bisede me Loredanën ajo u shpreh se ka më shumë se një muaj që nuk ishte takuar me partnerin e saj, pasi kishte marrë vendimin t’a linte të lirë atë, për të parë mundësi më të mira dhe pse jo për të njohur një vajzë tjetër, që një ditë ai të bëhej prind, të kishte një trashëgimtar.
“Unë nuk e kam takuar partnerin tim kur erdha këtu se janë disa gjëra më madhore se loja, është jeta e partnerit tim. 13 vite dashuri dhe vitet e fundit në kërkesë të një fëmije. E unë nuk dua të marr njëri në qafë. Nuk jam egoiste dhe nuk mendoj për veten time e them, Rozana luftove dhe po luftoj akoma për t’u bërë nënë. Unë po ta them tani që e lashë të lirë djalin që ai të mos ndihej keq nesër pasnesër nuk pati një trashëgimtar.
Mua ai nuk më ka bërë asgjë përveçse më ka dashuruar gjithë jetën, s’ma ka prishur kurrë. Ka qenë suporti më i madh. Unë e dua aq shumë sa nuk dua ta marr në qafë. Ai të ketë mundësinë të njohë një vajzë tjetër, të bëhet prind. Këtë e kam bërë për atë dhe jo për vete”, tha Rozana.