Edhe pse temperaturat e larta nuk janë shumë koherente me stinën në të cilën ndodhemi, moda vjeshtë-dimër, po.
Revista Elle Italia sjell një shumëllojshmëri frymëzimesh për të bërë shopping-un e stinës.
Më poshtë keni disa ide për të projektuar gardërobën tuaj.
Luani me printet e kafshëve
Këto lloj printesh nuk dalin asnjëherë nga moda dhe i japin një dozë të shtuar stili çdo look-u. Është e thjeshtë t’i veshësh dhe kombinosh me të gjitha veshjet që gjenden në gardërobë.
Logot
Sezonet e fundit, mania e logove ka risjellë frymën e viteve ’90. Fillimisht, zgjidhni një çantë me logo, me një siluhetë klasike. Nëse zgjidhni një kombinim për në zyrë apo një fustan të bukur mbrëmjeje, një çantë e tillë do ta bëjë shumë “in” look-un tuaj.
Hidhini një sy veshjeve “pasaportë”
Veshjet “pasaportë” kombinohen me gjithçka. Këto veshje universale e bëjnë shumë të thjeshtë zgjedhjen e look-ut tuaj në mëngjeset e hershme.
Përqafoni stilin “komfort-chic”
Nëse jeni tip sportiv, influencat e veshjeve dhe aksesorëve sport janë më në modë se kurrë. Mund të provoni të kombinoni edhe printet e kafshëve.