Në momentin kur ndërtoni stilin vetjak, çdo gjë bëhet e lehtë, sepse më nuk keni nevojë të eksperimentoni apo të mos ndiheni rehat në diçka që keni blerë vetëm pse në një periudhë ka qenë në mode. Ekzistojnë gabime të caktuara të cilat, pavarësisht nga stili, do të duhet per ti shmangur sepse nuk janë në favorin tuaj.
1. Rrobat e
brendshme të cilat shihen
Këtu nuk mendojmë në sutjena me dantella të cilat vërehen në mënyrë të rafinuar nga këmisha, por në vizatimin e skajeve të brekëve apo sustën e dukshme të sutjenave e cila prish siluetën e shpinës në bluzen e ngushtë.
2. Investoni ne rroba te duhura
Me kalimin e kohës do të kuptoni që nuk ia vlen të blini rroba vetëm pse u është ulur çmimi. Investoni në rroba të cilat kurrë nuk dalin nga moda dhe kuroni stilin tuaj në mënyrën më të mirë të mundshme.
3. Marka të shumta përnjëherë
Vërtet nuk dëshironi që të dukeni si reklamë lëvizëse. Zgjidhni veshje me shenja të rafinuara të markave me fame. Ose nëse dëshironi stampa pak më të dukshme, vendosni vetëm për një rrobë të tillë ndërsa pjesën tjetër të rrobave neutralizojeni.
4. Rrobat shumë të ngushta
Blini rroba me numrin tuaj të vërtetë dhe pranojeni trupin tuaj.
5. Geta në vend të pantallonave
Kur te kombinoni, me triko të gjatë dhe të gjerë, do të dukeni moderne dhe bukur. Mirëpo, nëse me geta vishni fanellë të shkurtër dhe të ngushtë, do të dukeni vulgare dhe joproporcionale.
6. Çorape najloni me shkëlqim
Thjesht në asnjë mënyrë nuk u shkojnë këmbëve tuaja dhe veç kësaj duken keq në fotografi.