Rritja alarmante e shifrave të të prekurve dhe shtrimeve në spital, lind nevojën e bërjes së detyrueshme të mbajtjes së maskës.
I këtij mendimi është mjeku i njohur infeksionit Pëllumb Pipero. “Unë them se ka ardhur momenti që të bëhet me detyrim ligjor mbajtja e maskës. Unë kam thënë se maska nuk duhet të përdoret në rrugë. Edhe sot them që të mos jetë e detyruar që të mbahet në rrugë, por nëse qytetarit nuk i bëhet shprehi dhe të mos mbajë maskë me vete duhet të behet me detyrim edhe në rrugë. Nëse nuk mbahet dot distanca, në markete në zyra dhe në çdo mjedis të mbyllur, maska duhet të bëhet me detyrim”, tha mjeku, i ftuar në emisionin “Zonë e Lirë”.