Rusia po përpiqet të marrë lindjen e Ukrainës ndërsa vijon të sulmojë edhe Kievin i cili ka qenë i qetë në javët e fundit. Sipas një mesazhi Telegram nga Shërbimi Shtetëror i Emergjencave të Ukrainës, një pallat 25 katësh në Kiev është hedhur në erë si rezultat i bombardimeve të forcave ruse.
Zjarret e shkaktuara nga bombardimet u raportuan në orën 20:13 me orën lokale në lagjen Shevchenkivskyi të kryeqytetit. Zjarri në pallatin 25-katësh është shuar deri në orën 21:25, pasi ka djegur një sipërfaqe totale prej 100 metrash katrorë dhe ka shkaktuar “shkatërrimin e pjesshëm” të katit 1 dhe 2.
“Sipas të dhënave paraprake, pesë persona u shpëtuan dhe dhjetë u plagosën”, njoftoi agjencia qeveritare, duke shtuar se shifrat janë ende duke u verifikuar.