Sabiani ka qenë i ftuar në emisionin “Goca dhe Gra”, ku ka rrëfyer eksperiencën e tij në BB VIP dhe jo vetëm.
Këngëtari është pyetur nëse ka patur kontakt me Trixën pas daljes së saj nga shtëpia, duke qenë se u përfol në media se ishte në një gjendje të rënduar psikologjike.
Ai ka treguar se janë takuar natën e spektaklit dhe më pas ka folur me Antigonën, mamanë e këngëtares, e cila i ka treguar se Trixa është mirë dhe në gjendje të stabilizuar, por normalisht i duhet pak kohë të marrë veten nga ndryshimi.
“Jemi takuar mbrëmjen që ka dalë nga spektakli, kam folur me mamanë e saj, dhe ka thënë se i duhet pak kohë që të stabilizohet”, është shprehur Sabiani.
Gjithashtu ai ka treguar se e ka patur Trixën si vajzën e tij brenda shtëpisë dhe jo vetëm.
Në një reagim të vetëm që ka bërë në rrjetet sociale, Triksa falenderoi të gjithë ndjekësit për mbështetjen që i kanë dhënë, dhe tha se tashmë është fanse e fitores së Donaldit.