Safet Gjici i kërkon Gjykatës së Lartë që ta shpallë të pafajshëm. Ish-kreu i Bashkisë së Kukësit, pretendon se ka rënë më kurthin e kundërshtarëve politikë dhe se afera seksuale e kryer me Alma Kaçin nuk është as shpërdorim detyre dhe as korrupsion.
Safet Gjici i thotë Gjykatës se kreu marrëdhënie me Kacin me dëshirën e saj dhe se video regjistrimi i bërë publik nuk ka cenuar asnjë marrëdhënie juridike përpos asaj morale dhe etike që Gjici kujton se është ndëshkuar tashmë. AI u shpall fajtor nga Gjykata Antikorrupsion e Shkallës së Parë për akuzën e shpërdorimit të detyrës referuar video-skandalit që tregonte marrëdhënien seksuale në zyrën e tij, nga apeli u gjet fajtor jo për shpërdorim detyre por për korrupsion.
Ky rekurs kundërshton konstatimin e apelit të posaçëm që bazuar në insistimin e SPAK e dënoi Gjicin me tre vjet burg. I arrestuar në verën e 2023, mbas publikimit të video skandalit në zyrën e tij, Gjici akuzon Alma Kaçin se studio terrenin për ta futur në kurth duke e provokuar sipas tij.
Nga ana tjetër për këto veprime Alma Kaçi që ishte gjetur fajtore nga shkalla e parë për akuzën e prostitucionit, në apel gruaja u dënua për një vepër tjetër atë korrupsionit aktiv.