Vendimi i Gjykatës Kushtetuese lë në izolim Kryetarin e Partisë Demokratike, Sali Berisha në prag të zgjedhjeve parlamentare. Përsa kohë që gjyqtarët vendosën që masa detyrim paraqitje është e ligjshme, atëhere mozbatimi i saj nga ana e Sali Berishës lë në fuqi masën e arrestit në shtëpi.
Në Gjykatën Kushtetuese ka mbërritur tashmë padia e dytë e Sali Berishës për shpalljen të paligjshëm të arrestit në shtëpi.
Nga ana tjeter ekipi i avokatëve të Berishës i është drejtuar edhe gjykatës së Strasburgut. Betejën e fundit për tu liruar në prag të zgjedhjeve parlamentare kryetari i PD Sali Berisha do ta bëjë në shkallën e parë ku do të kërkojë heqjen e arrestit shtepiak pasi hetimi ndaj tij ka përfunduar dhe çështja është në gjykatë.
Në tetorin e vitit të kaluar Gjykata e Posacme Kundër Krimit të Organizuar dhe Korrupsionit vendosi ndaj Sali Berishës masën detyrim paraqitje dhe ndalim për të dalë jashtë vendit.
Kryetari i PD vendosi të mos e zbatojë këtë masë pasi sipas tij, SPAK duhet më parë të merrte autorizimin e parlamentit për ti kufizuar lirinë një deputeti. Për moszbatimin e masës së sigurisë gjykata në 30 dhjetor vendosi ndaj Sali Berishës masën e arrestit në shtëpi.
Sali berisha është marrë i pandehur nga SPAK me akuzën e korrupsionit në lidhje me privatizimin e ish-kompleksit Partizani, privatizim nga i cili ka përfituar dhëndri i tij Jamarbër Malltezi.