Sara Gjordeni po vazhdon të jetë shumë e komentuar në media, edhe pse rrugëtimi i saj në ”Big Brother Albania Vip 3” u mbyll një javë më parë. Ajo ka reaguar së fundmi pas një komenti që iu bë në rrjete sociale, duke shtuar se ka marrë shumë të tillë. Sara reagoi pas komentit se e ka braktisur e ëma, ndonëse zbuloi se si qëndron e vërteta.
“Mendoj se karakteri i saj, qenia e saj, do të thotë tregon shumë për këtë vajzë. Si një nënë lë fëmijën dy vjeç, nuk e di do të thotë. Çfarë gjëje më keqe mund t’i ndodhë një fëmije të rriet jetim me nënë gjallë”, ka qenë komenti që iu bë në rrjete sociale.
Dhe Sara u përgjigj: “E kam lexuar disa herë këtë gjë. O njerëz nuk më ka braktisur nëna. Nga i nxirrni këto? Thjesht është larguar në emigrim kur kam qenë dyvjeçe. Ajo është kujdesur për mua financiarisht për shumë e shumë vite. Kush është nga Kuçova e di shumë mirë që kur mami im dërgonte gjëra, duhej ndihma e lagjes për t’i ngritur qeset e valixhet. Kam një nënë pak të thuash të fortë dhe heroinë”.
