Këngëtari italian, Fedez ka rikujtuar betejën që iu desh të përballonte tre muaj më parë, kur iu nënshtruar një operacioni të rëndësishëm, pasi zbuloi sëmundjen e rëndë nga e cila vuante.
Ai ka zgjedhur që të ndajë më publikun audion e seancës nga psikologu, e bërë në të njëjtën ditë kur zbuloi diagnozën.
“Nuk dua të vdes, nuk dua të vdes, kam frikë se fëmijët e mi nuk do të më kujtojnë”, dëgjohet të thotë ai mes lotësh.
Risjelljen e momenteve të vështira për të, Fedez shprehet se nuk e bën për t’u viktimizuar në media, por për të frymëzuar dhe për t’iu dhënë një ndihmë njerëzve që mund të jenë në të njëjtën situatë si ai para disa muajsh.
“Mirëmëngjes. Nuk e di pse sot vendosa të dëgjoj seancën e bërë nga psikologu ditën kur zbulova se kisha kancer në pankreas“- shkroi Fedez në një status në Instagram, teksa vazhdoi: “Po qaj, qaj me dhimbje dhe gëzim. Vetëm një mendim më shkatërronte më shumë se frika e vdekjes: të mos më kujtonin fëmijët e mi. Epo, sot pyes veten nëse e gjithë kjo më mësoi vërtet. Sepse qenia njerëzore priret të harrojë. Dhe unë nuk dua. Nuk dua të harroj se gjërat e rëndësishme nuk janë thjesht gjëra. Mbaje atë dritare gjithmonë të hapur. Në zemrën tënde.”
