Sekretari amerikan i Shtetit Antony Blinken doli pozitiv me COVID-19 këtë pasdite nëpërmjet një testi PCR. Sekretari është plotësisht i vaksinuar dhe me dozë përforcuese kundër virusit dhe po përjeton vetëm simptoma të lehta.
Ai rezultoi negativ të martën. Sekretari nuk e ka takuar personalisht Presidentin Biden prej disa ditësh dhe Presidenti nuk konsiderohet si një kontakt i ngushtë sipas udhëzimeve nga Qendrat për Kontrollin dhe Parandalimin e Sëmundjeve (CDC).
Në përputhje me udhëzimet e CDC dhe në konsultim me Byronë e Shërbimeve Mjekësore të Departamentit, Sekretari do të izolohet në shtëpi dhe do ti ndjekë punët online.
Ai mezi pret të kthehet në Departamentin dhe të rifillojë detyrat dhe udhëtimet e tij të plota sa më shpejt të jetë e mundur.
Sekretari Blinken është mirënjohës për mjekët, infermierët dhe stafin mjekësor që i ofrojnë forcës punëtore të Departamentit të Shtetit shërbime shëndetësore shembullore në mbarë botën dhe inkurajon të gjithë amerikanët që kanë të drejtë të vaksinohen plotësisht në mënyrë që të mbrojnë veten dhe të dashurit e tyre nga Covid-19.