UEFA ka publikuar protokollin e ndeshjes së sotme ndaj Andorrës, ku janë zbuluar dhe 3 lojtarët që përjashtohen nga lista e 23 futbollistëve.
Andi Hadroj, Etnik Brruti dhe Simon Simoni janë 3 lojtarët e përzgjedhur nga trajneri Sylvinho për ta ndjekur ndeshjen në tribunë, ashtu siç ndodhi dhe në Londër.
Aliu dhe Balliu janë dy zgjedhjet e vetme në krahët e mbrojtjes, ndaj dhe përjashtimi i Hadrojt në këtë rast duket se nuk ka shumë kuptim.
Spikat gjithashtu dhe lënia jashtë e Brrutit, i cili u nxitua të thirrej për këto ndeshje duke ngjallur shumë polemika veçanërisht në Kosovë, por nuk iu dha shansi që të debutonte për asnjë minutë.