Fituesi i “Talent Show-t” që u zhvillua në “Big Brother Vip Albania”, do të përzgjidhet nga vetë publiku përmes pëlqimeve në faqen zyrtare në Instagram.
Ashtu si pritej, Luiz Ejlli, i cili performoi këngë me Tea Trifonin, mbizotëron me numrin e pëlqimeve dhe komenteve. Por kjo nuk është aspak e habitshme, duke pasur parasysh numrin e madh të mbështetësve të këngëtarit, jashtë “Big Brother Vip.”
Deri më tani Luizi numëron mbi 100 mijë “likes”, dhe më shumë se 20 mijë komente.
Por, vëmendja u përqendrua në postimin e “Big Brother Vip” në Instagram, për performancën e Olta Gixharit. Aktorja performoi një monolog përballë banorëve dhe publikut, por të gjithë vunë re diçka të çuditshme në pëlqimet e postimit. Së pari, si me “magji” numri i pëlqimeve në postimin për Oltën, po rritet me 74 mijë në pak minuta.
52 minuta pas postimit të videos, Olta numëronte rreth 57 mijë pëlqime. 60 minuta pas postimit numri i pëlqimeve shkoi në mbi 141 mijë. Pra brenda 8 minutave, postimi mori 74 mijë pëlqime…
Menjëherë kjo nuk iu ka shpëtuar ndjekësve detajistë, të cilët shprehën kritikat e tyre në seksionin e komenteve, për “likes-at” e blera.
Vlen të përmendet edhe fakti se Olta numëron mbi 80 mijë pëlqime, por as 1 mijë komente.
Që pëlqimet po blihen nuk ka asnjë dyshim! Shumë ndjekës shkruajnë se pëlqimet janë bërë nga faqe dhe llogari të huaja, pra dukshëm “fake.” Ajo që nuk dihet është nëse është produksioni ai i cili po vendos një nivel në pëlqimet mes Oltës dhe Luizit, po dikush tjetër.