Pedagogu Endri Shabani, i ftuar në emisionin “Tempora” në RTV Ora, tha se njerëzit nuk i vrau tërmeti por godinat.
Përfaqësues i shoqërisë civile tha se Shqipëria nuk është bën pjesë ne listën e 10 shteteve që i goditën nga tërmetet më të forta, por ishte vendi me më shumë viktima.
Shabani shtoi se bashkitë nuk duhet të vepronin si i forti i lagjes por të monitoronin nëse zonat ishin të përshtatshme për ndërtim dhe nëse ndërtuesit zbatuan të gjithë projektin.
Endri Shabani tha gjatë emisionit se: “Besoj që nuk të vret tërmeti, por të vrasin godinat. Jam i bindur, nuk jam inxhinier por shoh që tërmete nuk bien vetëm në Shqipëri. Para se të vija në emision po bëja një renditje. Në 10 tërmetet më të fuqishme në botë për 2019 Shqipëria nuk është. Ama për numrin e vdekjeve është e para.
Në 2019 kjanë vdekur më shumë njerëz nga tërmetet në Shqipëri seç kanë vdekur në Peru, Indonezi. Ka rënë tërmet në Kaliforni 7.1 ballë, në Kili 7.1 ballë por kanë vdekur nga infarkti jo nga godinat. Në Shqipëri vdesin nga godinat. Kjo mjafton për të thënë se kemi problem me godinat. Kur shoh tre godina re. Njëra shkrumbohet, vdesin të gjithë njerëzit brenda, dy të tjerat nuk i gjen asgjë. Nuk mendoj se i vrau tërmeti. Mendoj se i vranë godinat. Duke parë se i kanë vrarë godinat vjen pyetja pse i ngremë institucionet? Pse kemi bashki? Pse ekziston koncepti i lejes së ndërtimit?
Që bashkia të veprojë si i forti i lagjes, po nuk më dhe para mua ti nuk ndërton aty apo që duhet studiojë nëse duhet ndërtuar apo jo në zonën e plazhit, apo në një kodër. Bashkia i kontrollon ndërtuesit gjatë gjithë procesit a po e zbatojnë planin. Paguajnë milionë euro në bashki për të marrë lejet, certifikatën. Një qerre me institucione që duhet të garantojnë nëse këto godina duhet të ndërtohen apo jo? A janë zbatuar standardet?