Kongresi amerikan na nënshkruar një rezolutë në mbështetje të opozitës iraniane dhe dënon veprimet terroriste të shteti iranian.
Në këtë rezolute përmendet dhe Shqipëria si një nga vendet ku kjo rezolutë u kërkon ambasadave të saj të punojnë me vendet evropiane dhe ballkanike, duke kërkuar që të mbyllen misionet diplomatike iraniane.
Kërkesa vjen pasi më 21 Janar 2020, qeveria shqiptare mbylli befas shkollën private “Saadi” në Tiranë, pa dhënë ndonjë shpjegim specifik.
Sakaq edhe më 15 janar, qeveria njoftoi se kishte dëbuar dy diplomatë iranianë. Sipas qeverisë, veprimtaria e tyre nuk përputhej me statusin e tyre diplomatik.
Në dhjetor 2018, qeveria dëboi ambasadorin iranian Gholamhossein Mohammadnia dhe sekretarin Mostafa Roudaki. Në atë kohë, zëdhënësi i Ministrisë së Jashtme të Iranit tha që masa ishte bërë nën presionin e Izraelit dhe Shteteve të Bashkuara.
Rreth 3,000 anëtarë të Mujahedinit të Popullit të Iranit (Mojahedin-e Khalq – MEK), një organizatë militantësh politikë që punojnë për rrëzimin e regjimit iranian, aktualisht janë strehuar në një kompleks në Shqipëri pas një marrëveshjeje midis qeverive shqiptare dhe asaj amerikane.