SHBA-ja vijon me shifra alarmante përsa i përket të prekurve
dhe të vdekurve nga koronavirusi.
Në 24 orët e fundit në Amerikë janë konfirmuar 21.765 raste të reja, duke e
çuar në 582.065 numrin total të të prekurve me covid-19.
Ndërkohë, kanë vdekur deri më tani 1309 persona në 24 orët e fundit (shifrat mund të azhornohen minutë pas minute), duke e çuar në 23.414 numrin e përgjithshëm të jetëve të humbura si pasojë e infektimit me koronavirus.
Në SHBA janë shëruar 34.664 persona, ndërkohë që 12.772 ndodhen në gjendje kritike. Në Amerikë që nga fillimi i përhapjes së pandemisë në vend, janë bërë gjithsej 2.930.038 testime.