Mijëra njerëz u urdhëruan të evakuohen në brigjet e Teksasit dhe Luiziana të martën ndërsa “Laura” u forcua në një stuhi që për parashikuesit mund të sjellë erëra të egra dhe përmbytje vdekjeprurëse.
Më shumë se 385,000 banorëve iu kërkuar të iknin nga shtëpitë e tyre në zonën e Teksasit dhe 200,000 të tjerë duhet të largohen nga Luiziana.
Parashikuesit e motit thanë se stuhia mund të sjellë përmbytje deri në 3.35 metra nëpër qytete.
Parashikuesit thanë që uji i oqeanit mund të hyjë drejt tokës përreth 450 milje larg bregdetit nga Teksasi në Misisipi.
Qendra Kombëtare e Uraganit parashikoi që “Laura” do të bëhet një uragan i Kategorisë 3, me erëra rreth 185 km/orë, të afta për dëme shkatërruese.
Një tjetër uragan, i emëruar “Marco”, e goditi Luizianën të hënën, duke shkaktuar erëra të forta dhe shira të furishëm. “Marco” tashmë është dobësuar në stuhi tropikale. Të dy uraganet kanë bërë kërdi në Karaibe, duke shkatërruar shtëpi dhe duke vrarë së paku 20 njerëz, përfshirë një foshnje dhe një fëmijë tetë vjeç në Haiti.