Renato Mekolli nuk ngurron që herë pas here të këshillojë të gjithë ata që e ndjekin në rrjete sociale, për një ushqyerje dhe jetesë të shëndetshme. Ditën e fundit ai ka dhënë një këshillë për kujdesin ushqimor dhe ka treguar se kur shkon në plazh është njësoj si gjithë shqiptarët e tjerë.
Shefi shqiptar ka publikuar në “Instagram” një fotografi, në të cilën shihet duke konsumuar diçka të cilën e ka marrë me vete në një letër alumini. Ai ka zbuluar se njësoj si gjithë njerëzit e thjeshtë merr bukë me vete në plazh, madje edhe në ishujt e Greqisë.
“Bëni kujdes ku hani të dashur miq kur shkoni në plazh, ose bukë me vete si shefi (nëse mundeni)”, ka shkruar Renato bashkangjitur fotos së tij.
Kujtojmë se për pak muaj pritet që Renato Mekolli të rikthehet sërish në ekran me edicionin e dytë të “Hell’s Kitchen”.