Zgjedhjet e 11 Majit mbaruan, por rezultati ende nuk është vulosur. Partia “Mundësia” ka siguruar dy mandate në qarkun Tiranë, dhe ka depozituar një kërkesë zyrtare pranë Komisionit Qendror të Zgjedhjeve, duke kërkuar njohjen si palë e interesuar në shqyrtimin e ankesës së bërë nga Partia Demokratike.
Partia “Mundësia” i është drejtuar KAS, duke kërkuar të marrë pjesë në seancën e shqyrtimit të kërkesës së PD-së, e cila kërkon anulimin e zgjedhjeve në Qarkun Tiranë, si dhe në rastet e tre kandidatëve që kanë kërkuar rinumërim të votive, si Alimehmeti, Hoxha dhe Hajdarmataj
Për ta çdo vendimmarrje e mundshme e KAS që mund të çojë në ndryshimin e rezultatit në Tiranë, cenon drejtpërdrejt interesin elektoral dhe përfaqësimin institucional të partisë së Agron Shehajt.
“Mundësia” kërkon pjesëmarrje të plotë në seancën përkatëse dhe rezervon të drejtën për të paraqitur pretendime shtesë dhe prova të tjera në funksion të mbrojtjes së mandatit të saj të dytë në këtë qark.
Tre kandidatët e PD në listën e hapur të Tiranës, Ilir Alimehmeti, Mimoza Hajdarmataj dhe Lisandër Hoxha kanë depozituar kërkesa në KAS dhe KQZ ku kërkojnë rinumërim të votave personale.
