Projekti i Universitetit të Oksfordit “Our World in Data”, ka publikuar të dhënat se si po ecën vaksinimi kundër Covid-19, në të gjithë botën.
Në një artikull, që është publikuar nga “New York Times” deri më tani janë shpërndarë 234.1 milionë doza të vaksinave anti-COVID, e barabartë me 3.1 doza për çdo 100 njerëz. Ekziston tashmë një hendek i madh midis programeve të vaksinimit në vende të ndryshme, me shumë vende që ende nuk kanë marrë një dozë të vetme.
Një person i vaksinuar, quhet dikush që ka marrë të paktën një dozë të vaksinës, dhe një person plotësisht i vaksinuar, quhet kur ka marrë të gjitha dozat e kërkuara të vaksinës. Për vaksinën Pfizer-BioNTech, një person i cili është “plotësisht i vaksinuar”, thuhet kur ka marrë dy doza.
Shtetet, po përballen me mungesë vaksinash për shkak të kërkesave të shumta, por disa vende e kanë arritur të vaksinojnë një pjesë të mirë të popullsisë. Izraeli mban vendin e parë për më shumë persona të vaksinuar, pasi ka shpërndarë 89.6 doza për 100 persona, ndërkohë që në vendin e dytë është Seychelles me 77.6 doza për 100 qytetarë. Ndërkohë, shihet se Kosova nuk është fare në listë.
Po ku radhitet Shqipëria?
Shqipëria, renditet në mesin e vendeve që kanë marrë më shumë se 10 mijë doza të vaksinave, pra në vendin 62-të me 0.4 doza për 100 persona. Sipas “Our World in Data”, në të gjithë botën po përdoren 9 vaksina të ndryshme, por vendin e parë e mban ajo e Pfizer dhe Biontech.
10 shtetet me më shumë vaksinime:
Israel – 89.6 doza për 100 njerëz
Seychelles – 77.6 doza për 100 njerëz.
United Arab Emirates – 61.6 doza për 100 njerëz
United Kingdom – 30 doza për 100 njerëz
United States – 21.2 doza për 100 njerëz
Serbia – 20 doza për 100 njerëz
Maldives Islands – 19.3 doza për 100 njerëz
Bahrain – 18.7 doza për 100 njerëz
Chile – 17.9 doza për 100 njerëz
Malta – 15.2 doza për 100 njerëz.