Altin Meçaj është bërë prehë e një sulmi të dhunshëm mbrëmjen e djeshme rreth orës 23:00, pasi ka bërë një koment në Messenger, një bashkëfshatareje, motra e një punonjësi policie të zonës.
Meçaj, banues në Vjosë dhe emigrant në Gjermani, rrëfen momentet e tmerrit ndërsa kërkon drejtësi. Sipas tij kanë patur marrëdhënie të mirë me autorin dhe se nuk ka patur probleme me ta.
“Më ka ardhur një mesazh kërcënues për një like në Facebook nga një bashkëfshatar i imi që është komandat grupi këtu në Fier me forcat Renea. Like motrës së tij në Facebook”. Në orën 11 që kam mbërritur në shtëpi janë fikur dritat vetëm të shtëpisë time dhe unë jam thirrur në emër për të dalë jashtë.
Ai më ka thirrur të porta e shtëpisë, dhe unë dola se mendova se ishte vëllai. Mesazhi thoshte ‘Nuk e di më kë je pleksur’. Dal në derë dhe më qëllon dhe më përsërit ato të mesazhit. Është i njëjti person. Ishin të paktën 3 persona.
Më kanë qëlluar pa mëshirë se këto çarje janë me leve dhe më kanë rrezuar pa ndjenja. Ne qoftë për një like apo koment ka edhe falje por që ta rrije në këtë fazë të më bëjë për spital mua dhe babain. Babai doli se dëgjoi zhurma të më mbronte mua. E kanë çarë në kokë”, tha ai.
Ndërkohë, babai i tij 80- vjeçar, Ylli Meçaj tregon se si e ka gjetur të birin të mbuluar me gjak dhe pa ndjenja, ndërsa thekson se kurrë më parë në fshat nuk kanë patur kontradita me askënd. Ata apelojnë njëzëri për drejtësi.