Masakra me 3 të vdekur dhe 1 të plagosur e ndodhur pasditen e së mërkurës në Shkodër, 2 prej të cilëve qytetarë të rastësishëm që nuk kishin lidhje me atentati ka tronditur opinionin publik në mbarë vendin dhe veçanërisht në kryeqendrën e veriut.
Mbrëmjen e së premtes ishte njoftuar mbajtja e homazheve për viktimat ku u ftua qytetarët të bëheshin pjesë, por veç gazetarëve që kishin shkuar për të raportuar, asnjë shkodran nuk u bashkua.
Gazetari Teodor Gjerga raporti në emisioni “People” se në sheshin para bashkisë nuk kishte asnjë qytetar, veç mediave.
“Ndoshta për mënyrën e organizimit që nuk u shtri në diçka konkrete, veç një posteri të shpërndarë në rrjetet sociale. Nëse më lejon të ndaj mendimin tim ndoshta është diçka normale, ndoshta është shumë herët për të organizuar një gjë të tillë pasi fillimisht duhet të flasë policia, drejtësia, të bëhen të gjitha veprimet. Kryefjalë e ditës së sotme në Shkodër ka qenë një qytet i zymtë, pa zhurmë, pa lëvizje, qyteti i Shkodrës nuk është zgjuar normalisht ditën e sotme, në çdo tavolinë është diskutuar ajo që ndodhi”, tha gazetari Gjerga.