Kreu i Partisë së Lirisë, Ilir Meta u pyet teksa ishte i ftuar në “Top News” edhe për fëmijët e tij, të cilët janë shkolluar jashtë Shqipërisë.
Ish-presidenti u shpreh se shpenzimet e tyre janë përballuar nga të ardhurat që marrin nga pallati që kanë në pronësi, ndërtesë kjo që sipas tij është brenda të gjitha rregullave.
“Ne kemi një pallat që është këtu afër jush dhe e dinë të gjithë që është brenda të gjitha rregullave me firmën e Edi Ramës dhe madje për ta përmbyllur ka qenë edhe firma e Bashës, me të cilin ne përballojmë të gjitha shpenzimet e tyre dhe angazhimi ynë ka qenë ti sigurojmë një të ardhme më të mirë dhe të pavarur. Ne kemi qenë këtu për tu dhënë atyre një pavarësi dhe për të treguar veten e tyre dhe padyshim që ata do të rikthehen këtu edhe do i shërbejnë vendit të tyre”, tha Meta për “Top news”.