Në spektaklin e “Big Brother Kosova Vip 2”, këngëtari i mirënjohur Blero ndau me publikun një periudhë të errët të jetës së tij, duke treguar për depresionin, ankthin dhe rëndësinë e trajtimeve për shëndetin mendor.
“Kuptova që kishte ardhur koha për një trajtim. Nuk jam tip që jam shumë i hapur dhe i mbaj gjërat për vete. E pashë që kisha nevojë, së pari për veten, për vazjën dhe për familjen dhe shkova për një trajtim diku jashtë vendit”.
Këngëtari tregoi edhe arsyet se pse vendosi të merrte këtë hap. “Më janë akumualuar shumë gjëra gjatë viteve dhe kam pasur nevojë për një trajtim. Shumë gjëra (kam përjetuar) depresioni, ankthi. Askush s’e ka ditur, por më ka bërë shumë mirë. Mendoj se është shumë okay për njerëzit që kalojnë faza të tilla”.
“Arsyeja pse nuk e kam thënë më herët është se kam qenë më i mbyllur dhe s’kam dashur të bëj merak familjen dhe askënd. Kam dashur ta kaloj vetë dhe me ndihmën e Zotit”, tha ai, duke inkurajuar njerëzit që të kujdesen për shëndetin mendor dhe të marrin ndihmën e duhur.