Një ngjarje e tmerrshme e ndodhur Pakistan ka shokuar botën, pasi një punëdhënës ka vrarë punonjësin e tij, një fëmijë vetëm 11 vjeç, për borxhin 1 euro.
Ai është rrahur për vdekje nga pronari i depos, i cili është arratisur menjëherë pas krimit. Djali është identifikuar si Badal Masih dhe merrej me mbledhjen e mbeturinave në landfill.
I mituri punonte gjatë pushimeve verore për të ndihmuar familjen e tij, prej ku merrte 0.28-0.56 euro në ditë.
Vogëlushi i kishte kërkuar pronarit të tij një borxh prej 1 euro për disa shpenzime të nevojshme familjare, por nuk kishte arritur t’ia kthente në kohë. Për këtë arsye, punëdhënësi e kishte qëlluar fëmijën me një shufër hekuri, duke i marrë jetën.