Analisti Ylli Rakipi kërkoi një mbyllje të dytë për Shqipërinë pasi sipas tij, rreziku është shumë i madh.
Ai tha se Rama nxjerr në media një drejtor urgjence, një arrogant, rrugaç që del e flet në mënyrën më të çuditshme në botë
“Në shkurt-mars të këtij viti, ky kryeministër na u shpall si babai ynë. Na tregonte ç’të bënim, na tregonte si të lanim duart, na thoshte “Edi Rama jam”, na sillej si kryefamiljar. Na pushtoi ditë edhe natë. Nuk merrnim dot frymë se kudo na dilte Edi Rama. E mbylli vendin, e kyçi vendin kur kishte 2-3 të vdekur. Tani për shembull, sot ishin 16 a 18 të intubuar, një shifër katastrofale.
Ky nxjerr ndërkohë në media një drejtor urgjence, një arrogant, rrugaç që del e flet në mënyrën më të çuditshme në botë. Sikur shqiptarët i kanë borxh këtij drejtorit të Urgjencës. Nxjerr këtë kategori njerëzish që bërtasin.
Shqipëria është në atë gjendje që mund të mbyllet dhe duhet të mbyllet. Sepse rreziku është shumë madh. Covid 4, thotë ai. Çfarë është Covid 4? Me çfarë pajisjesh, me çfarë personelesh mjekësore?
Forbesit i ka dhënë lekët, e ka paguar. Kaq është historia e Forbes”, u shpreh Ylli Rakipi për Ora News.