Ishte një udhëtim i rrallë për Presidentin Zelensky jashtë Kievit, shkruan BBC. Ai vizitoi trupat në vijën e frontit pranë Kharkivit, qyteti i dytë i Ukrainës, ku shpërndau çmime dhe dhurata dhe falënderoi ushtarët për shërbimin e tyre.
“Po rrezikoni jetën tuaj për të gjithë ne dhe shtetin tonë”, tha ai.
“Faleminderit për mbrojtjen e pavarësisë së Ukrainës. Kujdes!”
Vizita ishte një demonstrim i suksesit të vendit në largimin e forcave ruse nga qyteti. Dhe ndoshta kishte për qëllim të rriste moralin ndërsa Ukraina përpiqet të frenojë një ofensivë masive ruse në zonën e Donbasit më në lindje. Një sulm që po shkakton vuajtje dhe shkatërrime të mëdha.
Disa orë pasi presidenti u largua, shpërthime të forta u raportuan në Kharkiv. Një mesazh se kërcënimi i forcave pushtuese atje mund të jetë ulur, por nuk është zhdukur plotësisht.