Ministrja për Marrëdhëniet me Parlamentin Elisa Spiropali, u ka shprehur ngushëllimet familjes Hoxha për humbjen e dy pjesëtarëve të saj, nga shpërthimi i fortë i ndodhur këtë të premte në Lushnjë, ndërsa u ka uruar shërim të shpejtë të plagosurve.
“Ngushëllime të ndjera familjes Hoxha për humbjen e babait dhe djalit të familjes në ngjarjen e rëndë dhe fatkeqe të Lushnjes. Shpirtrat e tyre të prehen në paqe. Shërim të shpejtë kolegut dhe mikut tonë, deputetit Bujar Çela, dhe të gjithë të plagosurve! Jemi me ju!”, shkruan ajo.