“Shpirti” vijon të godasë grupet kriminale, 14 të arrestuar në Itali, ku 5 prej tyre janë shqiptarë

Trafikimi i 2.3 ton drogë nga Shqipëria drejt Italisë, ka vënë në pranga 14 persona, 5 prej të cilëve shqiptarë. Në kuadër të operacionit antidrogë të koduar “Shefi” që është rrjedhë e zhvillimeve hetimore të operacioneve italo-shqiptare “Shpirti” e “Kulmi”, në Apuglia u goditën 2 grupe që trafikonin lëndë narkotike. Pas hetimeve të nisura në maj të vitit 2016, u bë i mundur sekuestrimi i mbi 2300 kilogramëve drogë, përfshirë marijuanë, kokainë dhe heroinë. Nga operacioni u sekuestrua drogë me vlerë 15 milionë euro.