Një motor të ri për ekonominë e ka konsideruar kryeministri Edi Rama, projektin “Auto Moto Park”, që pritet të ndërtohet në Elbasan. I pranishëm në prezantimin e këtij projekti, Rama tha se ambicia për Shqipëria 2030, është që vendi ynë të jetë vendi mik pritës i garës së Formula1.
“Ambicia është që Shqipëria 2030 të jetë vendi mik pritës i garës së Formula1, dicka e pakonceptueshme deri para ca kohësh, po ja që ne ia dalim edhe aty ku në një farë mënyrë basti duket I pamundur.
Dua të theksoj që nuk bëhet fjalë për një investim të kësaj natyre për një garë, por për të instaluar ekonomisë një motor të ri. Ky projekt është ekonomi, do të krijojë një destinacion ku në qendrën e vet do të jetë siguria rrugore e ku nga fëmijë e vegjël te më të rriturit do duhet ti referohen kësaj qendre për testimet përkatëse. Modeli ynë për këtë është qendra në Vjenë. Me skuadrën teknike të Formula 1, është ndërtuar një projekt që brenda vetë familjes së cirkuiteve të Formula 1 është inovativ, për një sërë zgjidhjesh që janë sygjeruar. Këtë circuit e bëjnë një circuit që sjell një sërë risish. Nga ana tjetër më vjen mirë që për shkak të një parashikimi jo optimist të motit.
Këtu duam të bëjmë një ndërhyrje të ndërhyrje të rëndësishme, për t’I kthyer godinës shkëlqimin si një monument kulture. Pra, nga një projekt shumë i madh dhe ambicioz te një projekt i vogël dhe lokal që do të jetë një tjetër xhevahir që i shtohet gjerdanit të monumenteve të kulturës së Elbasanit ecim më tutje me bashkëngjitjen e Elbasnit me tiranën si një gjymtyrë e një metropoli që tanimi gjithmonë e më shumë po merr formë si metropoli i dekadës së ardhshme me qendër Tiranën, me dalje në det në Durrës, me shtrirje në verilindje në Dibër edhe me këtë krah në Elbasan, ku kalojnë edhe infrastruktura të rëndësishme si Korridori 8. Ditët më të mira edhe për Elbasanin janë të gjitha përpara.”- tha Rama.