Dy vite më parë, në 2024, rreth 1.2 milionë njerëz përfituan shtetësi në vendet e Bashkimit Evropian ku ata jetonin. Kjo shifër, krahasuar me vitin 2023, përbën një rritje prej 11.6%.
Sakaq, krahasuar me vitin 2014, rritja ishte prej 54.5%.
Shumica e këtyre shtetësive u dhanë nga Gjermania, me 24.5% e totalit të BE-së, më pas Spanja me 21.4% dhe së fundmi Italia me 18.5%.
Shumica e shtetësive të marra ishin nga persona me prejardshje nga vende jo-anëtare të unionit evropian, duke përbërë kështu 88%.
Tre ishin përfituesit kryesorë të këtyre shtetësive, sirianët, marokenët dhe shqiptarët.
Sirianët ishin grupi më i madh, me 110 mijë e 110 shtetësi të reja të dhëna. Grupi i dytë ishte nga shtetasit marokenë me 97 mijë e 100 shtetësi të dhëna dhe së treti shqiptarët me 48 mijë të tilla.
Nga ana tjetër, Suedia regjistroi shkallën më të lartë të natyralizimit midis vendeve të BE-së, me 7.5 shtetësi të dhëna për 100 banorë jo-kombëtarë, e ndjekur nga Italia (4.1) dhe Spanja dhe Holanda (secila nga 3.9). Shkalla më e ulët e natyralizimit u regjistrua në Lituani (0.1), Bullgari dhe Estoni (secila nga 0.3).