Shtatë muaj pasi 69 shqiptarë u kontrabanduan në Britani me një peshkarexhë, autoritetet kanë vënë në pranga 3 trafikantët.
Mediat britanike raportojnë se personat e arrestuar janë dy nga Ukraina dhe një tjetër nga Letonia.
Në kohën kur u kap anija, e cila vinte nga brigjet e Belgjikës autoritetet në Britani arrestuan të 69 shqiptarët, por nuk arritën dot të vinin në pranga trafikantët.
Personat e akuzuar për kontrabandë, u arrestuan në datën 8 qershor, ndërsa ditën e djeshme (10 qershor) u paraqitën në gjykatë.
Shefi i hetimeve, Jacque Beer në lidhje me ngjarjen tha se kjo tregon se duhet një përpjekje serioze për të kthyer kontrollet kufitare në Mbretërinë e Bashkia dhe hetimi ynë për këtë rast vazhdon.
“Kjo demonstron edhe një herë vendosmërinë tonë për të çmontuar rrjetet e kontrabandës së njerëzve kudo që ata operojnë”, tha zyrtari i lartë i policisë.
SI U NDALUAN 69 SHQIPTARËT
Operacioni masiv i policisë angleze nga toka dhe ajri u bë në nëntor të vitit të kaluar, ku u kap një anije peshkimi që po transportonte 69 shqiptarë, ndërsa këta të fundit në atë kohë u arrestuan.
Në atë kohë mediat raportuan se shqiptarët i kishin paguar trafikantëve secili nga 15.000 stërlina për të hyrë në Angli.
Sipas ligjeve angleze kush hyn në Angli përmes dokumenteve të falsifikuar apo në mënyrë tjetër ilegale quhet hyrje e jashtëligjshme në kufi dhe është një vepër penale e dënuar deri në 12 muaj burg.