Caritas Albania u ka ardhur në ndihmë familjeve në Lezhë të mbetura të pastreha që prej tërmetit të vitit 2019. Në dorëzimin e çelësave të tre shtëpive ka marrë pjesë Angelo Massafra
Janë çelësat e një jete të re.
Dy vite pas tërmetit të nëntorit 2019, tre familje në Kallmet e Shënkoll të Lezhës kanë hyrë këtë fillim prilli në shtëpitë e reja.
Banesat nuk ishin pjesë e programeve rindërtuese të qeverisë por dhuratë e Caritasit shqiptar dhe atij Italian.
Dorëzimi i çelësave te pronarët u bë përmes një ceremonie ku të pranishëm ishin përfaqësues të institucioneve fetare.
Massafra: Është një shenjë bamirësie dhe që të tregon se duke qenë së bashku ecet përpara. Duhet të jemi njerëz të mirë dhe të bashkëpunojmë duke punuar me djersë dhe ndershmëri.
Qarku i Lezhës ishte një ndër zonat e prekura rëndë nga tërmeti i dy viteve më parë.
Afro 50 pallate e 800 banesa individuale u bënë të pabanueshme duke lënë pa strehë me qindra familje.