Shteti Islamik ka marrë përgjegjësinë për sulmin që vrau dy tifozë suedezë të futbollit në Bruksel. Milicia xhihadiste njoftoi se një luftëtar kishte kryer sulmin pranë një ndeshje futbolli, duke vrarë dy “të krishterë”.
”Burri i dyshuar për sulmin e së hënës u vra nga policia mëngjesin e së martës”, konfirmoi zyra e prokurorisë belge. ”I armatosuri i dyshuar u qëllua nga policia dhe u konfirmua i vdekur në spital. Në lokal është gjetur një armë ushtarake”, shtoi prokurori.
Dy shtetas suedezë u vranë të hënën në mbrëmje dhe një person i tretë u plagos në atë që kryeministri belg Alexander De Croo e quajti një sulm terrorist.